Buxoro davlat universiteti Devonxona bo‘limi universitetning tarkibiy bo‘linmasi hisoblanadi. Bo‘lim o‘z faoliyatini O‘zbekiston Respublikasi qonunlari, Prezident farmon va qarorlari, Vazirlar Mahkamasi qarorlari, Oliy ta’lim, fan va innovatsiyalar vazirligining normativ-huquqiy hujjatlari, universitet Ustavi hamda ichki me’yoriy hujjatlar asosida amalga oshiradi.

Devonxona bo‘limi universitetda ish yuritish jarayonlarini tashkil etish, kiruvchi va chiquvchi hujjatlar aylanishini muvofiqlashtirish, hujjatlarning o‘z vaqtida ijrochilarga yetkazilishi hamda ularning ijrosini nazorat qilishni ta’minlaydi.

• Universitetning barcha tarkibiy bo‘linmalarida ish yuritishning belgilangan tartibda tashkil etilishini nazorat qiladi.
• Hujjatlar ijrosi bo‘yicha tarkibiy bo‘linmalar bilan hamkorlik qiladi.
• Hujjatlar aylanishini takomillashtirish bo‘yicha takliflar ishlab chiqadi.
• Kiruvchi va chiquvchi hujjatlar, fuqarolar murojaatlari hamda xizmat yozishmalarining o‘z vaqtida ko‘rib chiqilishi va ijro etilishini nazorat qiladi.
• Rahbariyat topshirig‘iga muvofiq hujjatlar bo‘yicha tahliliy ma’lumotlar va hisobotlarni tayyorlaydi.

Devonxona bo‘limi universitetda yagona ish yuritish tizimini tashkil etish va takomillashtirishni ta’minlaydi. Bo‘lim faoliyati quyidagi yo‘nalishlarda amalga oshiriladi:

• Kiruvchi hujjatlarni qabul qilish, ro‘yxatdan o‘tkazish va ijrochilarga yetkazish.
• Chiquvchi hujjatlarni rasmiylashtirish, ro‘yxatdan o‘tkazish hamda belgilangan manzillarga yuborish.
• Rahbariyat topshiriqlari, buyruqlari, farmoyishlari va fuqarolar murojaatlarining ijrosini muntazam nazorat qilish.
• Elektron hujjat almashinuvi tizimlari orqali hujjatlar bilan ishlashni tashkil etish.
• Tarkibiy bo‘linmalarning ish yuritish faoliyatiga uslubiy va amaliy yordam ko‘rsatish.
• Hujjatlar aylanishining tezkorligi, aniqligi va shaffofligini ta’minlash bo‘yicha doimiy monitoring olib borish.